Նոան հաղթեց Գանձասարին (տեսանյութ)

Fastex Պրեմիեր լիգայի 3-րդ տուրում «Նոան» ընդունել էր «Գանձասարին» ու հաղթեց 4։1 հաշվով։

Հանդիպման հաշիվը 8-րդ րոպեին բացեց Հելդեր Ֆերեյրան։ 25-րդ րոպեին աչքի ընկավ Գոռ Մանվելյանը։ 27-րդ րոպեին Լուկ Մերիլը կրճատեց հաշվի տարբերությունը, իսկ 1-ին կեսին ավելացրած 2-րդ րոպեին Տակուտո Օշիման խփեց իր թիմի 3-րդ գոլը։

2-րդ կեսի միակ գոլը հեղինակեց Վիրջիլ Պինսոնը՝ 86-րդ րոպեին։

Այսպիսով, «Նոան» վաստակում է 6 միավոր։ «Գանձասարն» իր ակտիվում ունի 1-ը։

Հիշեցնենք, որ այս տուրում կայացած մյուս խաղերում «Ուրարտուն» 2։0 հաշվով հաղթել էր «Վանին», «Ալաշկերտը» 3 անպատասխան գնդակ էր ուղարկել «Արարատի» դարպասը, ԲԿՄԱ-ն 2։1 հաշվով առավելության էր հասել «Շիրակի» նկատմամբ, իսկ «Արարատ-Արմենիա»-«Փյունիկ» հանդիպումը հետաձգվել էր։