Կրասնոդարը հաղթեց Սոչիին․ Սպերցյանը՝ դուբլի ու գոլային փոխանցման հեղինակ (տեսանյութ)
Ռուսաստանի Պրեմիեր լիգայի 5-րդ տուրում «Կրասնոդարն» ընդունել էր «Սոչիին» ու հաղթեց 5։1 հաշվով։
Հանդիպման հաշիվը բացեց Հայաստանի ազգային հավաքականի կիսապաշտպան Էդուրադ Սպերցյանը՝ 49-րդ րոպեին։ 62-րդ րոպեին, Սպերցյանը, փայլուն իրացնելով տուգանային հարվածը (տեսանյութը՝ այստեղ), ձևակերպեց դուբլ՝ հաշիվը դարձնելով 2։0․ 3 րոպե անց Անտոն Զինկովսկին կրճատեց հաշվի տարբերությունը։ 72-րդ րոպեին Սպերցյանը փայլուն խաղարկեց անկյունայինը (տեսանյութը՝ այստեղ), իսկ Նիկիտա Կրիվցովը դիպուկ հարվածով խփեց իր թիմի 4-րդ գոլը։ Հանդիպման վերջակետը դրեց թիմի նորեկ Գաետա Պերենը՝ հիմնական ժամանակին ավելացրած 3-րդ րոպեին։
25-ամյա հայ կիսապաշտպանը փոխարինվեց 78-րդ րոպեին։ Էդուարդը, արժանանալով 10 գնահատականի, ճանաչվեց հանդիպման լավագույն ֆուտբոլիստ։
Այս հաղթանակից հետո Ռուսաստանի գործող չեմպիոնները 12 միավոր 2-րդ տեղում են։
Հաջորդ տուրում «Կրասնոդարի» մրցակիցը «Կրիլյա Սովետովն» է։
