Արթուր Ալեքսանյանը կմասնակցի աշխարհի առաջնությանը. ՀԸՖ հայտարարությունը
Հայաստանի ըմբշամարտի ֆեդերացիան հայտարարել է՝ Օլիմպիական խաղերի, աշխարհի 4-ակի և Եվրոպայի 7-ակի չեմպիոն Արթուր Ալեքսանյանը մասնակցելու է Զագրեբում սեպտեմբերին կայանալիք աշխարհի առաջնությանը:
«Այն, որ ըմբշամարտի միջազգային ֆեդերացիան հայտարարել է ԱԱ-ին մասնակցող նախնական կազմեր, դա չի նշանակում, որ դա վերջնական է:
Ինչպես նաև, հարկ ենք համարում տեղեկացնել, որ Արթուր Ալեքսանյանը մասնակցելու է Աշխարհի առաջնությանը»,- ասվում է ՀԸՖ տարածած հաղորդագրության մեջ:
Ավելի վաղ հայտնել էինք՝ Ըմբշամարտի միջազգային ֆեդերացիան (UWW) ներկայացրել է Հայաստանի հունահռոմեական ոճի ըմբշամարտի հավաքականի նախնական հայտացուցակը սեպտեմբերի 13-21-ը Խորվաթիայի մայրաքաղաք Զագրեբում կայանալիք աշխարհի առաջնութունում:
97 կգ քաշային կարգում ընդգրկված է Հայկ Խլոյանը: Այդուհանդերձ, կազմը դեռևս վերջնական չէ:
