Կխնդրեմ իմ ֆուտբոլիստներին, ինչպես միշտ, լինեն մոտիվացված, կենտրոնացած․ Պերկովիչ (տեսանյութ)
Կոնֆերենցիաների լիգայի փլեյ-օֆֆի «Օլիմպիա Լյուբլյանա»-«Նոա» դիմակայության 1-ին խաղից առաջ երևանյան ակումբի գլխավոր մարզիչ Սանդրո Պերկովիչն ու թիմի պաշտպան Դավիթ Սուալեհեն պատասխանել են լրագրողների հարցերին․
«Վաղվա համար ես կխնդրեմ իմ ֆուտբոլիստներին, ինչպես միշտ, լինեն մոտիվացված, կենտրոնացած։ Հասկանան, թե ինչ ենք մենք ցանկանում անել: Կխնդրեմ, որ նրանք լինեն խիզախ, ստեղծարար և խաղան ֆուտբոլ լավագույն ձևով։
«Նոայում» իմ առաջին օրվանից մինչև վերջին օրը բոլոր հանդիպումներում, անկախ այն բանից, թե որտեղ ենք խաղալու և ում դեմ, հանդես ենք գալու միայն հաղթանակի համար», - ասել է խորվաթ մասնագետը։
Մանրամասն տեսանյութում․
Հիշեցնենք, որ «Օլիմպիա Լյուբլյանա»-«Նոա» հանդիպումը կկայանա օգոստոսի 21-ին և կմեկնարկի Երևանի ժամանակով 22։00-ին։
