Առաջիկա ժամերին ամեն ինչ պարզ կլինի. Սպերցյանի գործակալը՝ Սաութհեմփթոն տեղափոխության հնարավորության մասին

«Կրասնոդարի» և Հայաստանի հավաքականի կիսապաշտպան Էդուարդ Սպերցյանի գործակալ Վադիմ Օհանյանը խոսել է ֆուտբոլիստի՝ «Սաութհեմփթոն» տեղափոխվելու հնարավորության մասին։

«Ի՞նչ իրավիճակ է այժմ Սպերցյանի տրանսֆերի հետ կապված։ Հակիրճ՝ շատ լուրեր և ոչ մի կոնկրետ բան։ Առաջիկա ժամերի ընթացքում պարզ կլինի՝ կկայանա՞ «Սաութհեմփթոն» տեղափոխությունը, թե՞ ոչ։ Ինչի՞ց է դա կախված՚ Գալիցկիի և Սպերցյանի զրույցի և Սերգեյ Նիկոլաևիչի որոշման համադրությունից։

Կա այնպիսի զգացողություն, որ «Կրասնոդարը» սկզբում չէր ուզում Էդիկին ոչ մի տեղ բաց թողնել։ Նրանք վճռականորեն տրամադրված էին, որ նա ոչ մի տեղ չի գնա՝ «Սաութհեմփթոնից» առաջ առաջարկների բացակայության պատճառով։

Սպերցյանը մտադիր է գնալ և խաղալ Եվրոպայում։ Նա դա ասում է արդեն երեք տարի։ Սկզբում նրան թույլ չէին տալիս գնալ «Այաքս», որքանով ես գիտեմ, առաջարկ կար «Լենսից», բայց նրանք ասացին, որ դա փոքր ակումբ է։ «Սաութհեմփթոնի» հետ կապված իրավիճակը հիմա անորոշ է։ Հաջող գործարքի հավանականությունը 50/50 է», - Sport24-ին ասել է Օհանյանը։