Սպերցյանը չի տեղափոխվի Սաութհեմփթոն․ Կրասնոդարը մերժել է անգլիական ակումբի առաջարկը
«Կրասնոդարը» վերջնական որոշում է կայացրել Էդուարդ Սպերցյանի «Սաութհեմփթոն» տեղափոխության հարցում։
Անգլիական ակումբը պաշտոնական առաջարկ էր ներկայացրել «Կրասնոդարի» ավագի համար, սակայն գործարքը մերժվել է՝ Անգլիայից գումարների փոխանցման հետ կապված հնարավոր բարդությունների պատճառաբանմամբ։
Transferfeed-ի փոխանցմամբ, «Սաութհեմփթոնն» այս հարցով քննարկումներ է ունեցել տեղի ֆուտբոլային ֆեդերացիայի հետ, իսկ բրիտանական ֆուտբոլային պաշտոնյաները խորհուրդ են տվել հրաժարվել գնման տարբերակից։ Չնայած այն բանին, որ անգլիական ակումբը պատրաստ էր վճարել երրորդ կողմի միջոցով, «Կրասնոդարը» 100% երաշխիք չի ստացել գումարի հաջող փոխանցման վերաբերյալ, ինչի հետևանքով էլ մերժել է գործարքը։
Էդուարդ Սպերցյանը «Կրասնոդարի» սան է։ Նրա պայմանագիրն ուժի մեջ է մինչև 2026 թվականի հունիսի 30-ը։ Ընդհանուր առմամբ, կիսապաշտպանը «ցլերի» կազմում անցկացրել է 151 խաղ բոլոր մրցաշարերում՝ խփելով 48 գոլ և կատարելով 36 գոլային փոխանցում։
