Սաութհեմփթոնի գլխավոր մարզիչը խոսել է Սպերցյանի տրանսֆերի շուրջ բանակցությունների մասին

«Սաութհեմփթոնի» գլխավոր մարզիչ Ուիլյամ Ստիլլը խոսել է «Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանի հետ բանակցությունների դժվարությունների մասին:

Ավելի վաղ տեղեկություն էր հայտնել, որ ռուսական թիմը հրաժարվել է խաղացողին թույլ տալ տեղափոխվել անգլիական թիմ,և հիմնական պատճառներից մեկն Անգլիայից գումար ստանալու դժվարություն է եղել:

«Ամեն ինչ դանդաղ է ընթանում: Յուրաքանչյուր ոք ունի իր շահերը, իսկ բանակցությունները հեշտ չեն ստացվում: Մենք պարզապես խոսում ենք ուղիղ, իսկ մարդկանց հետ սովորաբար դժվար է այս մոտեցմամբ»,- Ստիլլի խոսքերն է փոխանցում Daily Echo-ն:

Միաժամանակ հաղորդվում է,որ Սպերցյանն ինքն է որոշել չտեղափոխվել «Սաութհեմփթոն»: Ըստ լուրերի՝ ռուսական թիմը պատրաստ է եղել բանակցությունների, եթե ֆուտբոլիստը հստակ և միանշանակ ցանկություն հայտնել հենց այդ անգլիական թիմում խաղալու:

Հաղորդվում է նաև, որ Սպերցյանը ռուսական թիմի հետ կոնֆլիկտ չունի:

Այս մրցաշրջանում 25-ամյա Էդուարդ Սպերցյանը «Կրասնոդարի» կազմում մասնակցել է 8 հանդիպման, դարձել է 4 գոլի և 4 գոլային փոխանցման հեղինակ: