Բարդ խաղ էր․ Հիմնական խնդիրն արագ գոլ հեղինակելն էր, ինչը չստացվեց․ Մանուել Տուլիպան՝ Շիրակի դեմ խաղից հետո (տեսանյութ)

Fastex Պրեմիեր լիգայի 4-րդ տուրի «Շիրակ»-«Արարատ-Արմենիա» (0։1) հանդիպումից հետո երևանյան ակումբի գլխավոր մարզիչ Մանուել Տուլիպան խոսել է խաղի մասին․

«Բարդ խաղ էր։ «Շիրակը» լավ թիմ է, գրագետ պաշտպանվում է։ 1-ին կեսից գոհ եմ, 2-րդ կեսի սկզբնամասում արեցինք փոփոխություններ, որպեսզի կարողանանք բեկում մտցնել։ 1-ին 10 րոպեներին դա ստացվում էր, բայց հետո ինտենսիվությունն ընկավ։ Լավ պահեր ստեղծեցինք, որոնք չօգտագործեցինք։ 2-րդ կեսի ընթացքում, ռիսկի գնալով ու 2 պաշտպան թողնելով, խաղադաշտ դուրս բերեցի ամբողջ հարձակվողական ներուժը։ «Արարատ-Արմենիան» պատրաստ էր հակագրոհների և դրանցից մեկի ընթացքում դարպասապահը փայլեց, ինչից հետո օգտագործեցինք մեր հերթական պահն ու հաղթեցինք»։

Սպասո՞ւմ էիք, որ Գյումրիում՝ «Շիրակի» դեմ, նման բարդ հանդիպում կստացվի․

«Մինչ այս դիտել էի «Շիրակ»-«Փյունիկ» հանդիպումը։ Գիտեի, որ իրենք սեփական հարկի տակ առանձնահատուկ են խաղում ու բարդ է լինելու։ Կառանձնացնեմ նաև երկրպագուների գործոնը։ Հիմնական խնդիրը այն էր, որ դառնանք արագ գոլի հեղինակ, սակայն դա չհաջողվեց ու գնալով ավելի էր բարդանում։ Այս հաղթանակն ընդգծեց, որ ամբողջ անձնակազմի, նաև Երևանից այստեղ ժամանած երկրպագուների համար էր ու նրանց շնորհիվ»։

Հիշեցնենք, որ հանդիպման միակ գոլը հեղինակել էր Արայիկ Էլոյանը՝ հիմնական ժամանակին ավելացրած 9-րդ րոպեին։