Շատ էի սպասում այս պահին. Կարեն Նալբանդյանը` Հայաստանի հավաքական հրավիրվելու մասին

«Ալաշկերտի» կիսապաշտպան Կարեն Նալբանդյանն ակումբի մամուլի քարտուղարության հետ զրույցում խոսել է առաջին անգամ Հայաստանի հավաքական հրավիրվելու մասին:

«Ազգային հավաքականում լինելը մեծ պատիվ է: Շատ էի սպասում այս պահին: Հպարտ եմ, որ այստեղ եմ: Կաշխատեմ արդարացնել վստահությունը և ամբողջովին ներդնել իմ ուժերը»,- ասել է Նալբանդյանը:

Հայաստանի ազգային հավաքականը սեպտեմբերի 1-ից մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում:

Սեպտեմբերի 6-ին հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիային։ Հանդիպման մեկնարկը՝ ժամը 20։00-ին (Երևանի ժամանակով)։ 

Սեպտեմբերի 9-ին ազգային ընտրանին կրկին Վազգեն Սարգսյանի անվան «Հանրապետական» մարզադաշտում կընդունի Իռլանդիային։ Հանդիպման մեկնարկը՝ ժամը 20։00-ին (Երևանի ժամանակով)։