Հրաձգության ԵԱ․ Հայաստանի հավաքականի կազմը

Հրաձգության Հայաստանի հավաքականը մարտի 1-13-ը Խորվաթիայի Օսիեկ քաղաքում կմասնակցի Եվրոպայի առաջնությանը։

Մինչ մրցավայր մեկնելը երիտասարդական հավաքականը փետրվարի 22-28-ը, իսկ մեծահասակների թիմը՝ մարտի 1-7-ը, ուսումնամարզական հավաքներ կանցկացնեն Լեհաստանի Վրոցլավ քաղաքում։

Թիմին կուղեկցեն հավաքականի գլխավոր մարզիչ Սեյրան Նիկողոսյանը, ավագ մարզիչ Անդրանիկ Այվազյանը և ՀՀՖ գլխավոր քարտուղար Արեգ Սարիբեկյանը։

Եվրոպայի առաջնությանը հավաքականը կներկայանա հետեւյալ կազմով․

10 մետր, օդամղիչ ատրճանակ, երիտասարդներ՝ Նարե Գաբրիելյան, Գրիգոր Պողոսյան, Գոռ Մանուչարյան, Արմեն Գեւորգյան։

10 մետր, օդամղիչ ատրճանակ, մեծահասականեր՝ Էլմիրա Կարապետյան, Բենիկ Խլղաթյան, Նորայր Առաքելյան։

10 մետր, օդամղիչ հրացան՝ Հրաչ Բաբայան: