Անի Ամիրաղյանը դուրս է եկել միջազգային մրցաշարի կիսաեզրափակիչ

Վրաստանի Թելավի քաղաքում ընթացող ITF-ի կանանց մրցաշարում Հայաստանի ներկայացուցիչ Անի Ամիրաղյանը դուրս է եկել կիսաեզրափակիչ։

Քառորդ եզրափակիչում Ամիրաղյանը 6։3 6։3 հաշվով հաղթանակի է հասել ռուսաստանցի Սոֆիա Մարտիանովայի նկատմամբ։

Հայաստանի ներկայացուցիչը պայքարը սկսել էր 1/16 եզրափակիչից, որտեղ 6։3, 6։4 հաշվով հաղթել էր Դանիայի ներկայացուցիչ Ելենա Ժամշիդիին, իսկ 1/8 եզրափակիչում 6։3, 6։2 հաշվով առավելության էր հասել Ուկրաինայի ներկայացուցիչ Ռեվա Ալիեսիայի նկատմամբ։

Եզրափակիչ դուրս գալու համար Անի Ամիրաղյանը կմրցի Շվեյցարիայի ներկայացուցիչ Կարերինա Ցիգուրովայի հետ։ Կիսաեզրափակիչ խաղը կկայանա օգոստոսի 30-ին։