Հայտնի է Բալեկյանի փոխարեն հավաքական հրավիրված ֆուտբոլիստի անունը

Հայաստանի ազգային հավաքականը սկսել է մարզական հավաքը։ Եղիշե Մելիքյանի թիմը պատրաստվում է Աշխարհի 2026 թվականի առաջնության եվրոպական գոտու որակավորման փուլի Պորտուգալիայի և Իռլանդիայի հետ խաղերին։

Ինչպես տեղեկացրել էինք ավելի վաղ, Նորբերտո Բրիասկո Բալեկյանը ընտանեկան խնդիրների պատճառով չի միանա հավաքականին։ Նրա փոխարեն Եղիշե Մելիքյանը հավաքական է հրավիրել Էրիկ Սիմոնյանին:

22-ամյա ֆուտբոլիստը 14 հանդիպում է անցկացրել Հայաստանի Մ21 հավաքականում՝ դառնալով 1 գոլի հեղինակ։

Այս մրցաշրջանում Սիմոյնանն «Ուրարտուի» կազմում մասնակցել է Fastex Պրեմիեր լիգայի 2 և Կոնֆերենցիաների լիգայի որակավորման փուլի 1 հանդիպման։