Տարածած հայտարարության մեջ ակումբը գրել է․

«Ուժեղացնում ենք դարպասային գիծը՝ Կոնֆերենցիաների Լիգայի Լիգայի փուլին ընդառաջ։ 26-ամյա դարպասապահը մեզ է միացել Շվեյցարիայի բարձրագույն լիգան ներկայացնող «Սիոնից»՝ վարձակալական հիմունքներով։ Վարձակալության ժամկետը նախատեսված է 1 տարով։ Ֆայուլուն մեր թիմում կկրի 16 համարի մարզաշապիկը»:

Ակումբին տված հարցազրույցում դարպասապահն ասել է․

«Ես եկել եմ «Նոա» մեծ նպատակներով: Միասին մենք կպայքարենք, կհաղթենք և կդառնանք ավելի ուժեղ»։

Հավելենք, որ Ֆայուլուի տրանսֆերային արժեքը, transfermarkt-ի գնահատմամբ, կազմում է 1 միլիոն 400 հազար եվրո, որը Հայաստանի առաջնությունում ամենաբարձրն է։ Մինչ այս ամենաբարձր տրանսֆերային արժեք ունեցող ֆուտբոլիստը համարվում էր Տակուտո Օշիման՝ 1 միլիոն 200 հազար եվրո։

Սա կլինի արտասահմանյան 1-ին փորձը 26-ամյա դարպասապահի համար։

Հիշեցնենք, որ «Նոայի» հիմնական դարպասապահն Օգնյեն Չանչարևիչն է, որը պաշտպանում է նաև Հայաստանի ազգային հավաքականի դարպասը։

Հայաստանի գործող չեմպիոնի կազմում հանդես են գալիս նաև դարպասապահներ Ալեքսեյ Պլոշադնին և Արթուր Կոնեգլյանը։