Կայացավ Հայաստանի ազգային հավաքականի նախախաղային մարզումը (տեսանյութ)

Հայաստանի ազգային հավաքականն անցկացրեց նախախաղային մարզում՝ Իռլանդիայի դեմ խաղից առաջ։

Sportmedia.am-ը ներկա էր ազգային ընտրանու մարզմանը։ Տեսանյութը՝ այստեղ։

Նշենք, որ դարպասապահ Հենրի Ավագյանը չէր մարզվում ընդհանուր խմբի հետ։ Պատճառը Պորտուգալիայի դեմ կայացած խաղում ստացած վնասվածքն էր։

Ավելի վաղ Հայաստանի երիտասարդական հավաքական հրավիրված, Մոսկվայի ԲԿՄԱ-ի կիսապաշտպան Արտյոմ Բանդիկյանը, որը չէր մեկնել Շվեդիայի հետ արտագնա խաղին և մարզվում էր ազգային ընտրանու ընդհանուր խմբում, այսօր մարզում էր անցկացնում երիտասարդական հավաքականի կազմում։

Հիշեցնենք, որ Հայաստան-Իռլանդիա հանդիպումը կկայանա վաղը՝ սեպտեմբերի 9-ին և կմեկնարկի 20։00-ին։ Վայրը՝ Վազգեն Սարգսյանի անվան «Հանրապետական» մարզադաշտ։

Հայաստանի Մ21 հավաքականն էլ Եվրոպայի մինչև 21 տարեկանների առաջնության որակավորման փուլի 5-րդ խմբի 2-րդ տուրում կընդունի Լեհաստանի հասակակիցներին։ Այդ հանդիպումը կկայանա ՀՖՖ Տեխնիկական կենտրոն/ֆուտբոլի ակադեմիայում։ Մեկնարկը՝ 17։00-ին