Ուրարտուի նորեկը՝ ՌՊԼ-ից

Երևանի «Ուրարտուն» նոր ֆուտբոլիստ ունի:

«Ուրախ ենք տեղեկացնել, որ «Ուրարտուն» ունի նոր ֆուտբոլիստ։ Ակումբը պայմանագիր է ստորագրել ռուս պաշտպան Դմիտրի Տիխիյի հետ։
32-ամյա ֆուտբոլիստը իր կարիերայի ընթացքում հանդես է եկել Ռուսաստանը ներկայացնող ակումբներում, ինչպիսիք են Վլադիվոստոկի «Լուչը», Վլադիկավկազի «Սպարտակը», «Ֆակելը», «Տոմը», «Խիմկին» և «Պարի Նիժնի Նովգորոդը»։
Ֆուտբոլիստը միացել է մեր թիմին «Պարի Նիժնի Նովգորոդից»։
Ողջունում ենք Տիխիյին «Ուրարտուում» և մաղթում հաջողություններ ակումբի կազմում»,-ասված է ակումբի հայտարարությունում: 

Ֆաստեքս Հայաստանի Պրեմիեր լիգայի ընթացիկ առաջնությունում «Ուրարտուն» 18 խաղից հետո 38 միավորով երկրորդն է ու 2 միավոր է զիջում երկու խաղ պակաս անցկացրած առաջատար «Նոային»։