ՀՖՖ-ն հայտարարում է VAR համակարգի օպերատորների ընդունելություն

ՀՖՖ-ն հայտարարում է VAR համակարգի օպերատորների ընդունելություն, որոնք կաշխատեն սպորտային տեխնոլոգիաների առաջնագծում։

VAR համակարգի օպերատորին հնարավորություն է ընձեռնվում աշխատելու VAR համակարգի կենտրոնում, կարևոր դեր խաղալ այն տեղադրելու և շահագործելու գործընթացում։ Համակարգին լիարժեք ծանոթանալու նպատակով ընտրված թեկնածուների համար կազմակերպվելու են ուսուցողական դասընթացներ։
 
Աշխատանքային պարտականություններ․

• Մարզադաշտերում և VAR կենտրոնում համակարգի տեղադրում, կարգավորում և սպասարկում
• Գործող ընթացակարգերի համաձայն խաղից առաջ ստուգումների իրականացում
• Խաղի ընթացքում համակարգի մոնիտորինգ
• Համագործակցություն խաղի կազմակերպիչների, թիմերի, մարզադաշտի պաշտոնյաների և հեռարձակողների հետ
• Աշխատանք VAR համակարգի կենտրոնում մրցավարների հետ, Fastex Հայաստանի Պրեմիեր Լիգայի և Գավաթի Խաղարկության խաղերի սպասարկում
• Անհրաժեշտության դեպքում անսարքությունների վերացում, առաջացած խնդիրների իրազեկում
• Սարքավորումների սպասարկում, շահագործում և պահպանում

 Հայտերը կարող եք ուղարկել referee@ffa.am էլ. հասցեին։