Հայտնի են հայ ազատոճայինների մրցակիցները աշխարհի առաջնությունում

Սեպտեմբերի 13-21-ը Խորվաթիայի մայրաքաղաք Զագրեբում կկայանա ըմբշամարտի աշխարհի առաջնությունը։

Այսօր տեղի է ունեցել ազատ ոճայինների վիճակահանությունը։ Հայտնի են հայ ըմբիշների մրցակիցները․

57 կգ քաշային Արսեն Հարությունյանը պայքարը կսկսի որակավորման փուլից՝ ուկրաինացի Վլադիսլավ Աբրամովի հետ գոտեմարտով։ 

61 կգ քաշային Մանվել Խնձրցյանը նույնպես պայքարը կսկսի որակավորման փուլից, մրցելով իտալացի Սիմոնե Վինչենցո Պերոդուի հետ։

1/8 եզրափակչից կմեկնարկի 65 կգ քաշային Վազգեն Թևանյանը՝ մրցելով Տաջիկստանը ներկայացնող Աբդուլմաժիդ Կուդիևի հետ։

70 կգ քաշային Արման Անդրեասյանը կմեկնարկի որակավորման փուլից։ 1-ին մրցակիցը, կրկին Տաջիկստանը ներկայացնող, Վիկտոր Ռասսադինն է։

74 կգ քաշային Հրայր Ալիխանյանն էլ 1-ին գոտեմարտում կմրցի Իրանի ներկայացուցիչ, վարկանիշի 3-րդ համար, Յոնես Ալիաքբար Էմամիի հետ։

Հունահռոմեական ոճում Հայաստանը ներկայացնող մարզիկների ցանկին ծանոթացեք այստեղ։