Առատ ձյուն Երևանում․ Կհետաձգվի՞ սուպերգավաթային հանդիպումը
Այսօր՝ փետրվարի 20-ին, Երևանի Վազգեն Սարգսյանի անվան «Հանրապետական» մարզադաշտում կկայանա Հակոբ Տոնոյանի անվան Սուպերգավաթի հանդիպումը: Պատվավոր տիտղոսը կվիճարկեն Հայաստանի Պրեմիեր լիգայի 2023/24 մրցաշրջանի չեմպիոն «Փյունիկը» և Հայաստանի 2024 թվականի գավաթակիր «Արարատ-Արմենիան»:
ՀՖՖ–ն հրապարակել է տեսնայութ, որում մարզադաշտի խոտածածկը ձնից մաքրելու ակտիվ աշխատանքներ են տարվում
«Այսօր` ժամը 19:00-ին, նախատեսված է Հ.Տոնոյանի անվան սուպերգավաթային հանդիպումը
ՀՖՖ-ի, «Հանրապետական» մարզադաշտի և Ֆուտբոլի ակադեմիայի աշխատակիցների կողմից այս պահին արվում է հնարավոր ամեն ինչ, որպեսզի Երևանում տեղացող առատ ձյունը չխոչընդոտի հանդիպման կայացմանը»,–ասված է հայտարարությունում։
Մինչև հանդիպման մեկնարկը կա 4 ժամից ավելի, իսկ մայրաքաղաքում առատ տեղումները շարունակվելու են։ Չի բացառվում, որ սուպարգավաթային հանդիպումը հետաձգվի եղանակային պայմանաների պատճառով։
Ի դեպ, Հայաստանի սոպերգավաթի խաղը սովորաբար անցկացվել է սեպտեմբեր–հոկտեմբերին։ Անհայտ պատճառներով այս անգամ որոշում էր կայացվել սուպերգավաթային խաղը անցկացնել փետրվարին։
