Ալաշկերտը հերթական հաղթանակը տոնեց

Fastex Պրեմիեր լիգայի 6-րդ տուրում «Ալաշկերտը» հյուրընկալվել էր ԲԿՄԱ-ին ու հաղթեց 3։1 հաշվով։

Հանդիպման հաշիվն 8-րդ րոպեին բացեց Կաիո Էնրիկեն՝ բացելով իր գոլերի թիվն «Ալաշկերտում»։ 26-րդ րոպեին Մոմո Տուրեն կրկնապատկեց «Ալաշկերտի» առավելությունը։ 62-րդ րոպեին Կարեն Նալբանդյան դիպուկ իրացնելով 11-մետրանոցը՝ խփեց իր թիմի 3-րդ գոլը։

88-րդ րոպեին Նարեկ Հովհաննիսյանը խփեց իր թիմի միակ գոլը։

Այս հաղթանակից հետո Վահե Գևորգյանի գլխավորած թիմը 12 միավորով միանձնյա գլխավորում է մրցաշարային աղյուսակը։

ԲԿՄԱ-ն 6 միավորով 6-րդ տեղում է։

Հիշեցնենք, որ տուրի մեկնարկային խաղում «Գանձասարը» նվազագույն հաշվով հաղթել էր «Վանին», իսկ «Շիրակը» 4։2 հաշվով առավելության էր հասել «Արարատի» նկատմամբ։

Վաղը կկայանա «Նոա»-«Փյունիկ» ու «Ուրարտու»-«Արարատ-Արմենիա» հանդիպումները, որոնք կմեկնարկեն 19։00-ին։