Նոան դիմել էր ՈՒԵՖԱ՝ Լինքոլն Ռեդ Իմփսի հետ խաղի արդյունքը անվավեր ճանաչելու խնդրանքով

Եվրոպա լիգայի որակավորման 3-րդ փուլի «Լինքոլն Ռեդ Իմփս»-«Նոա» (1։1) հանդիպումից հետո երևանյան ակումբը բողոքարկել է հանդիպման ընթացքում մրցավարի կայացրած որոշումներն ու փաստարկներով դիմել ՈՒԵՖԱ-ի Վերահսկողության, Էթիկայի և Կարգապահական մարմին՝ հանդիպման արդյունքն անվավեր ճանաչելու ու խաղը վերախաղարկելու համար։

Ներկայացնում ենք «Նոայի» ներկայացրած բողոքարկումներից մի քանիսը՝ 

• Խաղի մրցավարները ցուցաբերել են կողմնակալ և անհամապատասխան վճիռների միտում,
• «Նոայի» ֆուտբոլիստների դեմ խախտումները անտեսվել են, մինչդեռ «Նոայի» ֆուտբոլիստների աննշան շփումները հանգեցրել են պատժամիջոցների,
• «Նոայի» դարպասին նշանակված 11 մետրանոցին հետևել է թերի VAR ստուգում, որի ժամանակ անտեսվել է նախորդ խախտումը և սխալ է գնահատվել շփման վայրը։

Հայաստանի չեմպիոնի բողոքարկմանն ի պատասխան, ՈՒԵՖԱ-ն մերժել է «Նոայի» հայցը, հրապարակած որոշման մեջ նշելով, որ խաղադաշտում մրցավարի կայացրած որոշումներն վերջնական են և չեն կարող վերանայվել ՈւԵՖԱ-ի կարգապահական մարմինների կողմից, բացառությամբ այն դեպքի, երբ կա ակնհայտ սխալ (օր.՝ խաղացողի ինքնությունը շփոթելը)։

ՈՒԵՖԱ-ի հրապարակած որոշումն ամբողջությամբ՝ այստեղ։