Հայաստանը կունենա իր առաջին գերժամանակակից ստադիոնը. Սիսակ Գաբրիելյան
Կառավարության այսօրվա որոշմամբ Հայաստանի գործող չեմպիոն «Նոա» ֆուտբոլային ակումբը, ձեռք բերելով շուրջ 23 հա տարածք, Արմավիրի մարզում կկառուցի ՈՒԵՖԱ-ի ստանդարտներին համապատասխան 4-րդ կարգի գերժամանակակից ստադիոն մոտ 15․000 հանդիսատեսի համար։ Այս մասին ֆեյսբուքյան էջում գրել է ՔՊ խմբակցության պատգամավորՍիսակ Գաբրիելյանը։
«Մի քանի տասնյակ միլիոն դոլար արժողությամբ այս նախագիծը, բացի ստադիոնից, կներառի նաև․
բարձրակարգ հյուրանոցային համալիր
փակ մարզադաշտ
հանրակրթական դպրոց
սպորտային մարզասրահ
լողավազան
գիշերակացի հանրակացարան
ֆուտբոլային ակադեմիա
4-6 բնական և արհեստական խոտածածկ մարզադաշտեր։
«Նոա» ակումբը վերջին տարիներին հսկայածավալ ներդրումներ է կատարում հայկական ակումբային ֆուտբոլում, և արդեն այս տարի պատրասվում է բացել առաջին թիմի համար նախատեսված մարզական համալիրի դռները։
Նկարը պայմանական է, գեներացված AI-ով: Նախագիծը շուտով»,-գրել է Գաբրիելյանը:
