Վանը հաղթեց Շիրակին

Fastex Պրեմիեր լիգայի 7-րդ տուրում «Վանն» ընդունել էր «Շիրակին» ու հաղթեց 3։2 հաշվով։

Հանդիպման հաշիվը բացեց Արթուր Դանիելյանը՝ 13-րդ րոպեին։ 36-րդ րոպեին հանդիպումն ընդհատվեց՝ կարկուտի պատճառով։

1-ին կեսի վերսկսումից հետո նախ Մհեր Թառլոյանը վերականգնեց հաշվի հավասարությունը, ապա Ռաֆիկ Միսակյանը, հստակ իրացնելով 11-մետրանոցը առաջ մղեց «Շիրակին»։

2-րդ կեսում Չարենցավանը ներկայացնող ակումբը կարողացավ հաղթանակի հասնել։ Անկյունայինների խաղարկումից հետո աչքի ընկան Սաբա Սիդամոնիձեն (62') և Էրիկին (71'):

Այս հաղթանակից հետո «Վանը» 8 միավորով բարձրանում է 5-րդ հորիզոնական։ «Շիրակը» 5 միավորով նախավերջին՝ 9-րդ տեղում է։

Այս տուրում կկայանան նաև «Ուրարտու»-«Արարատ», «Արարատ-Արմենիա»-«Նոա», «Փյունիկ»-ԲԿՄԱ և «Ալաշկերտ»-«Գանձասար» խաղերը։