Ցրվենա Զվեզդան հաղթեց Սերբիայի գլխավոր դերբիում․ Տիկնիզյանը մասնակցեց հանդիպմանը (տեսանյութ)

Սերբիայի առաջնության 9-րդ տուրում «Ցրվենա Զվեզդան» հյուրընկալվել էր «Պարտիզանին» ու հաղթեց 2։1 հաշվով։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու փոխարինվեց 2-րդ կեսի մեկնարկին։

Հայ պաշտպանն 1-ին կեսին ավելացրած 2-րդ րոպեին զգուշացվեց դեղին քարտով։

Սերբիայի գործող չեմպիոնը, որն այս մրցաշրջանում 7 խաղ է անցկացրել ներքին առաջնությունում, դեռևս միավորներ չի կորցրել ու 21 միավորով գլխավորում է մրցաշարային աղյուսակը։

Հաջորդ տուրում Տիկնիզյանն ու թիմակիցները կընդունեն «Ռադնիչկիին», բայց մինչ այդ հանդիպում կանցկացնեն «Սելթիկի» հետ՝ Եվրոպա լիգայի լիգայի փուլում։