Նոան դժվարին հաղթանակ տարավ Վանի նկատմամբ (տեսանյութ)

Fastex Պրեմիեր լիգայի 2-րդ տուրից հետաձգված խաղում «Նոան» ընդունել էր «Վանին» ու հաղթեց 2։1 հաշվով։

Հանդիպմանը հաշիվը բացեց Իմրան Ուլադ Օմարը՝ 26-րդ րոպեին դիպուկ իրացնելով 11-մետրանոցը։

2-րդ կեսում արդեն 11-մետրանոց նշանակվեց «Նոայի» դարպասին։ Այս անգամ էլ դիպուկ էր Ալեֆ Ռոդրիգեսը։

Հիմնական ժամանակին ավելացրած 2-րդ րոպեին Նարդին Մուլահուսեյնովիչը հաղթանակ պարգևեց «Նոային»։

Այս հաղթանակից հետո «Նոան» 13 միավորով բարձրանում է 2-րդ հորիզոնական։ «Վանը» 8 միավորով 6-րդն է։

Վաղը կկայանա հետաձգված ևս մեկ հանդիպում։ «Արարատ-Արմենիան» կընդունի «Ալաշկերտին»։