Լեգիան հերթական հաղթանակը տոնեց․ Բիչախչյանը խաղաժամանակ չստացավ

Լեհաստանի առաջնության 10-րդ տուրում «Լեգիան» ընդունել էր «Պոգոնին» ու հաղթեց նվազագույն հաշվով։

Հանդիպման միակ գոլը հեղինակեց Միլետա Ռայովիչը՝ 4-րդ րոպեին հստակ իրացնելով 11-մետրանոցը։

Հայաստանի ազգային հավաքականի կիսապաշտպան Վահան Բիչախչյանն ընդգրկված էր «Լեգիայի» հայտացուցակում, սակայն խաղաժամանակ չստացավ։

Այս խաղից հետո Վարշավան ներկայացնող ակումբը 15 միավորով 6-րդ տեղում է ու հաջորդ տուրում կմրցի «Գուրնիկի» դեմ, սակայն մինչ այդ հանդիպում կանցկացնի թուրքական «Սամսունսպորի» հետ՝ Կոնֆերենցիաների լիգայի հիմնական փուլի շրջանակում։