Բալանտայի դուբլը չօգնեց Արարատ-Արմենիային հաղթանակով հեռանալ Ավանից

Fastex Պրեմիեր լիգայի 8-րդ տուրում ԲԿՄԱ-ն ընդունել էր «Արարատ-Արմենիային»։ Հանդիպումն ավարտվեց 2։2 հաշվով

Հանդիպման հաշիվը բացեց Խուան Բալանտան՝ 1-ին կեսին ավելացված րոպեներին՝ դիպուկ իրացնելով 11-մետրանոցը։ 48-րդ րոպեին Նարեկ Հովհաննիսյանը շքեղ հարվածով վերականգնեց հաշվի հավասարությունը, սակայն «Արարատ-Արմենիան» ևս մեկ 11-մետրանոցի իրավունք ստացավ, որը կրկին դիպուկ իրացրեց Խուան Բալանտան։ Հիմնական ժամանակին ավելացված 5-րդ րոպեին էլ 11-մետրանոցի իրավունք ստացավ ԲԿՄԱ-ն, որից օգտվեց Նարեկ Հովհաննիսյանը՝ 1 միավոր նվիրելով իր թիմին։

Այս խաղից հետո Հայաստանի առաջնության մրցաշարային աղյուսակը ստացավ հետևյալ տեսքը․



Հիշեցնենք, որ 8-րդ տուրի մյուս խաղերում «Ուրարտուն» 1։0 հաշվով հաղթել էր «Շիրակին», «Փյունիկը» նույն հաշվով առավելության էր հասել «Գանձասարի» նկատմամբ, «Նոան» 2 անպատասխան գնդակ էր ուղարկել «Արարատի» դարպասը, «Ալաշկերտն» էլ 2։1 հաշվով հաղթել էր «Վանին»։

9-րդ տուրը կմեկնարկի հոկտեմբերի 3-ին «Ալաշկերտ»-«Շիրակ» խաղով։