Վանաձորում կայացել է Ռոման Բերեզովսկու անվան մրցաշար

Երևանում Ռուսաստանի Գիտության և Մշակույթի կենտրոնի հետ համատեղ կայացել է Ռոման Բերեզովսկու անվան մրցաշարը, որին մասնակցել է շուրջ 100 խաղացող։ Այս մասին հայտնում է ՀՖՖ պաշտոնական կայքը:

Վանաձորում անցկացվող մրցաշարին մասնակցել են նաև հատուկ հյուրեր․ կազմակերպիչների հրավերով այստեղ էին Մոսկվայի «Լոկոմոտիվի» ներկայացուցիչները։ Հայաստանի հավաքականի նախկին պաշտպան Սարգիս Հովհաննիսյանը և Դմիտրի Լասկովը հետևեցին մրցաշարին։

Մանկապատանեկան պայքարում հաջողությունն Արմավիրինն էր․ Սարդարապատի միջնակարգ դպրոցի թիմը եզրափակիչում 5-2 հաշվով հաղթեց Արագածոտնին՝ Արագածավան գյուղի դպրոցի թիմին։

Հայաստանի ֆուտբոլի ֆեդերացիան մրցաշարի ավարտին հատուկ պարգևներ է հանձնել․ Գագիկ Յազիչյանը դարձել է լավագույն ռմբարկու, Սուրեն Սիրեկանյանը՝ լավագույն խաղացող, իսկ ֆեյր-փլեյի մրցանակին արժանացել է Սարգիս Կարապետյանը։