Ռուս հարձակվող Վլադիսլավ Յակովլևը վարձակալական հիմունքներով կխաղա «Ուրարտուում»։ Այս մասին հայտնում է ակումբի պաշտոնական կայքը։
«Ուրախ ենք տեղեկացնել, որ «Ուրարտուն» ունի նոր ֆուտբոլիստ։ Ակումբին վարձակալական հիմունքներով միացել է ռուս հարձակվող Վլադիսլավ Յակովլևը։
23-ամյա ֆուտբոլիստը կարիերայի ընթացքում հանդես է եկել ռուսական ակումբներում, ինչպիսիք են «Խիմկին», ԲԿՄԱ Մոսկվան և «Պարի Նիժնի Նովգորոդը»։
Ֆուտբոլիստը «Ուրարտուին» է միացել ԲԿՄԱ Մոսկվայից։
Ողջունում ենք Յակովլևին «Ուրարտուում» և մաղթում
հաջողություններ ակումբի կազմում»,-ասված է ակումբի հայտարարությունում։
Ֆաստեքս Հայաստանի Պրեմիեր լիգայի ընթացիկ առաջնությունում «Ուրարտուն» 18 խաղից հետո 38 միավորով երկրորդն է ու 2 միավոր է զիջում երկու խաղ պակաս անցկացրած առաջատար «Նոային»։
