Ցրվենա Զվեզդան զիջեց Պորտուին․ Տիկնիզյանը մասնակցեց հանդիպմանը (տեսանյութ)

Եվրոպա լիգայի հիմնական փուլի 2-րդ տուրում «Ցրվենա Զվեզդան» հյուրընկալվել էր «Պորտուին» ու զիջեց 1։2 հաշվով։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու փոխարինվեց 82-րդ րոպեին։ Հայ պաշտպանը 70-րդ րոպեին զգուշացվեց դեղին քարտով։

ԵԼ-ի հիմնական փուլի 3-րդ տուրում Սերբիայի չեմպիոնի մրցակիցը պորտուգալական «Բրագան» է։