Սա կարևոր հաղթանակ էր Նոայի ու հայկական ֆուտբոլի համար․ Սանդրո Պերկովիչը՝ Ռիեկայի նկատմամբ տոնած հաղթանակից հետո (տեսանյութ)

Կոնֆերենցիաների լիգայի հիմնական փուլի «Նոա»-«Ռիեկա» (1։0) հանդիպումից հետո «Նոայի» գլխավոր մարզիչ Սանդրո Պերկովիչը խոսել է խաղի մասին ու պատասխանել լրագրողների հարցերին․

«Շատ մեծ շնորհավորանքներ եմ հղում իմ ֆուտբոլիստներին։ Նրանք բարձր մակարդակի ֆուտբոլ խաղացին։ Ես երեկ նշեցի, որ եթե ցանկանում ենք հաղթել, պետք է լինենք խիզախ և մենք խիզախ էինք։ Նրանք տվեցին այն ամենն՝ ինչ ունեին ու կարծում եմ արժանի էինք հաղթանակի։ Միշտ հաճելի է սկսել մրցաշարը 3 միավորով, բայց 72 ժամից էլ քիչ է մնացել «Ուրարտուի» դեմ սպասվող խաղին ու այս պահից սկսած պատրաստվում ենք այդ խաղին»։

«Այս հաղթանակը կարևոր էր «Նոայի» ու հայկական ֆուտբոլի համար և ես շատ ուրախ ու հպարտ եմ, որ կարողացանք հասնել դրան։ Վստահ եմ, որ կկարողանանք պահել մակարդակը։ Հեշտ չէ, քանի որ յուրաքանչյուր 3 օրը մեկ խաղ ունենք, բայց մենք ունենք երկար հայտացուցակ և ես ունեմ բոլոր ֆուտբոլիստների կարիքը և իհարկե նրանց հնարավորություն կտամ։ Հույս ունեմ, որ կշարունակենք մարզումներն ու օրեցօր կդառնանք ավելի լավը»։

Մանրամասն տեսանյութում․