Կրասնոդարը հերթական հաղթանակը տոնեց․ Սպերցյանը՝ գոլային փոխանցման հեղինակ (տեսանյութ)

Ռուսաստանի Պրեմիեր լիգայի 11-րդ տուրում «Կրասնոդարն» ընդունել էր «Ախմատին» և հաղթեց 2։0 հաշվով։

Հայաստանի ազգային հավաքականի կիսապաշտպան Էդուարդ Սպերցյանն ընդգրկված էր «Կրասնոդարի» մեկնարկային կազմում ու 31-րդ րոպեին դարձավ գոլային փոխանցման հեղինակ։ Տեսանյութը՝ այստեղ։

25-ամայ ֆուտբոլիստի համար սա 10-րդ ասիստն էր ընթացիկ մրցաշրջանում։ Սպերցյանը դարձել է նաև 4 գոլի հեղինակ ու գոլային գործողությունների քանակով ՌՊԼ-ում բացարձակ առաջատարն է։

Հայ կիսապաշտպանը 85-րդ րոպեին զգուշացվեց դեղին քարտով, ինչից 4 րոպե անց փոխարինվեց։

Այս հաղթանակից հետո «Կրասնոդարը» 23 միավորով գլխավորում է մրցաշարային աղյուսակն ու միջազգային խաղերով պայմանավորված դադարից հետո 12-րդ տուրում կմրցի Մախաչկալայի «Դինամոյի» հետ։