52 տարի առաջ Արարատն առաջին անգամ նվաճեց ԽՍՀՄ գավաթը (տեսանյութ)

52 տարի առաջ այս օրը, 1973 թվականի հոկետեմբերի 10-ին Երևանի «Արարատը», Մոսկվայում հաղթանակ տանելով Կիևի «Դինամոյի» նկատմամբ, առաջին անգամ նվաճեց ԽՍՀՄ գավաթը:

1973 թվականի «Արարատի» գավաթային ուղին սկսվեց 1/16 եզրափակչից։ 2 խաղերում նվազագույն հաշվով հաղթելուվ Ֆրունզեի «Ալգային» «արարատցիները» դուրս եկան 1/8 եզրափակիչ, որտեղ առավելության հասան Բաքվի «Նեֆթչիի» նկատմամբ` Արդբեջանում հաղթելով նվազագույն հաշվով, իսկ Երևանում առավելության հասնելով 3։1 հաշվով։

Քառորդ եզրափակչում Նիկիտա Սիմոնյանի գլխավորած թիմը մրցում էր Վորոշիլովգրադի «Զարյայի» հետ ու տնային 2։0 հաշվով հաղթանակը «Արարատին» ապահովեց կիսաեզրափակիչի ուղեգրի, որտեղ մրցակիցը Դնեպրոպետրովսկի «Դնեպրն» էր։ 2 հաղթանակ նվազագույն հաշվով ու առջևում թեժ եզրափակիչն էր։

Կիևի «Դինամոյի» դեմ խաղի 61-րդ րոպեին Վիկտոր Կոլոտովը առաջ մղեց ուկրաինական ակումբին՝ հստակ իրացնելով 11-մետրանոցը։ Հիմնական ժամանակի ավարտից 1 րոպե առաջ Լևոն Իշտոյանը վերականգնեց հաշվի հավասարությունն, իսկ լրացուցիչ ժամանակի 103-րդ րոպեին դուբլ ձևակերպելով՝ Իշտոյանը «Արարատին» պարգևեց փառահեղ հաղթանակ, որը գրվեց պատմության էջերում։