Վահագն Դավթյանը՝ Աշխարհի գավաթի խաղարկության առաջին փուլի հաղթող
Հայաստանի մարմնամարզության հավաքականի անդամ, Եվրոպայի կրկնակի փոխչեմպիոն Վահագն Դավթյանը ոսկե մեդալ է նվաճել Գերմանիայի Կոդբուս քաղաքում ընթացող աշխարհի գավաթի խաղարկության առաջին փուլում:
Օղակների վարժության եզրափակչում Դավթյանը վաստակել է 14,133 միավոր և արժանացել չեմպիոնի կոչմանը:
Այս վարժությունում Հայաստանի մյուս ներկայացուցիչ Արթուր Ավետիսյանը 13,966 միավորով գրավել է 4-րդ տեղը:
