Ինձ համար մեծ պատիվ է կրել հավաքականի մարզաշապիկը․ Էրիկ Փիլոյան (տեսանյութ)

Աշխարհի 2026 թվականի առաջնության ընտրական փուլի 4-րդ տուրում Հայաստանի ազգային հավաքականը հյուրընկալվելու է Իռլանդիայի ընտրանուն։ Հանդիպումից առաջ տեղի է ունեցել Հայաստանի հավաքականի գլխավոր մարզիչ Եղիշե Մելիքյանի ու թիմի պաշտպան Էրիկ Փիլոյանի մամուլի ասուլիսը․

«Շատ լուրջ աշխատանք են տարել, թե՛ ֆուտբոլիստները, թե՛ մարզչական շտաբը ոչ միայն պաշտպանության համար։ Բոլորն էլ շատ պրոֆեսիոնալ, ուժեղ տղաներ են։ Շատ հեշտ է բոլորին էլ հարմարվելը։ Իռլանդիայի դեմ 1-ին խաղում շատ լավ հանդիպում ենք անցկացրել ու վերլուծել ենք, թե՛ մեր, թե՛ մրցակցի խաղը ու կփորձենք ոչ թե նույնը այլ ավելի լավ հանդիպում անցկացնել։

Տարիքն ու խաղը կապ չունի հավաքականը ներկայացնելու համար, որովհետև ինձ համար շատ մեծ պատիվ է կրել այս մարզաշապիկը։ Կարող եմ ասել, որ ամենակարևոր բաներից մեկն է ինձ համար հավաքականում հանդես գալն ու ազգին օգնելը։ Հատկապես Հայաստանում, յուրաքանչյուր ֆուտբոլիստի նպատակն է հավաքականում հանդես գալն ու իր ազգին օգնելը»,-նշել է Փիլոյանը։

Մանրամասն տեսանյութում․



Հիշեցնենք, որ Իռլանդիա-Հայաստան հանդիպումը կկայանա հոկտեմբերի 14-ին Դուբլինի «Ավիվա» մարզադաշտում և կմեկնարկի Երևանի ժամանակով 22։45-ին։