Բասկետբոլի ազգային հավաքականի խաղացողը հանդես է գալիս Լատվիայի համալսարանի թիմում
Բասկետբոլի Հայաստանի ազգային հավաքականի խաղացող Յուրա Մելիքյանն այս մրցաշրջանում հանդես է գալիս Լատվիայի համալսարանի թիմում՝ մասնակցելով Լատվիական-Էստոնական լիգային։ Մելիքյանի թիմն արդեն 2 հանդիպում է անցկացրել:
Այս մասին հայտնում է ՀԲՖ մամուլի քարտուղարությունը:
Լիգայի առաջին խաղում Լատվիաի համալսարանի թիմը մրցել է «Կալև/Կրամո»-ի դեմ՝ պարտվելով 58:95 հաշվով։
Մելիքյանը խաղադաշտում անցկացրել է 12 րոպե, վաստակել է 2 միավոր և կատարել 1 ռեբաունդ։
Երկրորդ հանդիպումը կայացել է «Տրանսկոմ Պյարնու»-ի դեմ, որտեղ Լատվիայի համալսարանը ևս պարտություն է կրել՝ 73:97 հաշվով։ Այս անգամ Մելիքյանը հանդես է եկել որպես մեկնարկային հնգյակի խաղացող՝ անցկացնելով խաղադաշտում 30 րոպե։
Նա վաստակել է 10 միավոր, կատարել է 6 ռեբաունդ և 2 բլոկ։
