Հայաստանի Մ21 հավաքականը զիջեց Իտալիայի հասակակիցներին

Հայաստանի երիտասարդական հավաքականը Եվրոպայի մինչև 21 տարեկանների առաջնության որակավորման փուլի 5-րդ խմբի 4-րդ տուրում հյուրընկալվել էր Իտալիայի հասակակիցներին ու զիջեց 1։5 հաշվով։

Հանդիպման հաշիվը 59-րդ րոպեին բացեց Մաթեո Դագասոն։ 3 րոպե անց Ֆրանչեսկո Կամարդան կրկնապատկեց իր թիմի առավելությունը, իսկ 71-րդ րոպեին ձևակերպեց դուբլ։ 75-րդ րոպեին Սեյդու Ֆինին խփեց իտալացիների 4-րդ գոլը։

78-րդ րոպեին Էդիկ Վարդանյանը կրճատեց հաշվի տարբերությունը, սակայն հիմնական ժամանակին ավելացրած 1-ին րոպեին Ջեֆ Էխատորը վերջակետ դրեց հանդիպմանը։

Հատկանշական է, որ 26-րդ րոպեին Հայաստանի դարպասին նշանակվել էր 11-մետրանոց, սակայն Շեֆ Նդուրի հարվածը հետ մղեց Գոռ Մատինյանը, իսկ 85-րդ րոպեին Նիկոլո Ֆորտինին, ստանալով 2-րդ դեղին քարտը, իր թիմին թողեց 10 հոգով։

Այս հանդիպումից հետո խմբի մրցաշարային աղյուսակը ստացավ հետևյալ տեսքը․



Հայաստանի Մ21 հավաքականը հաջորդ հանդիպումը կանցկացնի նոյեմբերի 14-ին՝ ընդունելով Մոնտենեգրոյի հասակակիցներին։