Պատասխանատվությունն իմն է․ Ներողություն եմ խնդրում, որ միավորներ չվաստակեցինք, բայց հպարտ եմ իմ թիմի համար․ Եղիշե Մելիքյան (տեսանյութ)

Աշխարհի 2026 թվականի առաջնության ընտրական փուլի Իռլանդիա-Հայաստան (1։0) խաղից հետո Հայաստանի ազգային հավաքականի գլխավոր մարզիչ Եղիշե Մելիքյանը պատասխանել է լրագրողների հարցերին․

«Կարմիր քարտը «ջարդեց» մեր խաղը, բայց դա իմ ֆուտբոլիստի սխալն է, նշանակում է՝ իմ սխալն է։ Ես եմ գլխավոր մարզիչն ու իմ ֆուտբոլիստների հետ կապված ինչ պատահում է ես ինձ վրա եմ վերցնում պատասխանատվությունն ու ներողություն եմ խնդրում, որ այսպես ստացվեց, որովհետև մեր երկրպագուն սպասում էր միավորների, բայց մենք ինչ-ինչ պատճառներով չկարողացանք միավորներ վերցնել։ Ամեն դեպքում հպարտ եմ իմ թիմի համար»։

«Տիգրանի հետ առանձին զրույց չեմ ունեցել։ Խոսել եմ ընդհանուր թիմի հետ։ Շնորհակալություն հայտնեցի նրանց նվիրվածության, պայքարի, միասնության համար։ Իսկ «նեգատիվ» հարցերի շուրջ ժամանակ կունենանք վերլուծելու ու խոսելու։ Այս պահին միայն պետք է միասին լինել, ընդունել պարտությունը տղամարդավարի և շնորհավորել մրցակցին»։

«Շատ լավ պատրաստվել էինք խաղին։ Խաղից առաջ գիտեինք, որ մրցակցի մարզիչը կփոխի իր սխեման։ Հասցրեցինք արձագանքել, «հակաթույնը» գտանք և կարողանում էինք փակել ու ունենալ մեր պահերը։ Վստահ էի, որ կարող էինք հաջողության հասնել 11-ը 11-ի դեմ, բայց երբ մնացինք 10 հոգով՝ չվախեցա գնալ «վա-բանկ» ու փոխել սխեման։ Խաղի ընթացքում երեք անգամ փոխեցի սխեման։ Ցանկանում էի ինչ-որ բանով օգնել իմ թիմին։ Մոտ էինք, որ արդյունքն այլ լիներ։ Սա մեծ փորձ է։ Վստահ եմ, որ ճիշտ ճանապարհին ենք։ Կարևոր է ոգին պահել, միասին լինել ու նվիրված շարժվել առաջ»,-նշել է Մելիքյանը։

Մանրամասն տեսանյութում․