Մարմնամարզիկներն Ինդոնեզիայում մասնակցում են աշխարհի առաջնությանը

Հայաստանի սպորտային մարմնամարզության հավաքականի 5 անդամներ Ինդոնեզիայի Ջակարտա քաղաքում մասնակցում են մեծահասակների աշխարհի առաջնությանը:

Հայաստանի թիմի կազմում մրցավայր են մեկնել Արթուր Դավթյանը, Վահագն Դավթյանը, Արթուր Ավետիսյանը, Համլետ Մանուկյանն ու Մամիկոն Խաչատրյանը:

Նախապատրաստվելով աշխարհի առաջնությանը՝ Հայաստանի սպորտային մարմնամարզության հավաքականը պետության աջակցությամբ երկշաբաթյա ուսումնամարզական հավաք է անցկացրել Կատարի մայրաքաղաք Դոհայում:

Սպորտային մարմնամարզության աշխարհի առաջնությունը կտևի մինչև հոկտեմբերի 26-ը: Մրցումները կմեկնարկեն հոկտեմբերի 19-ից: