Սպերցյանի գոլը նպաստեց Կրասնոդարի հաղթանակին

Ռուսաստանի Պրեմիեր լիգայի 12-րդ տուրում «Կրասնոդարը» հյուրընկալվել էր Մախաչկալայի «Դինամոյին» ու հաղթեց 2։0 հաշվով։

Հանդիպման հաշիվը բացեց Էդուարդ Սպերցյանը՝ 43-րդ րոպեին։ Տեսանյութը՝ այստեղ։ Հայաստանի ազգային հավաքականի կիսապաշտպանն ընդգրկված էր հյուրերի մեկնարկային կազմում ու փոխարինվեց 70-րդ րոպեին։ Ի դեպ, 25-ամյա հայ ֆուտբոլիստի համար սա 50-րդ գոլն էր «Կրասնոդարի» կազմում ու 5-րդն այս մրցաշրջանում։ «Կրասնոդարի» 2-րդ գոլը հեղինակեց Վիկտոր Սան՝ 80-րդ րոպեին։

Այս հաղթանակից հետո «Կրասնոդարը» 26 միավորով 2-րդ տեղում է։ Նույնքան միավոր ունի նաև առաջատար Մոսկվայի «Լոկոմոտիվը»։

Հաջորդ տուրում ՌՊԼ-ի գործող չեմպիոնները կմրցեն Կազանի «Ռուբինի» հետ։