Սլովանը հաղթեց Սլովակիայի գլխավոր դերբիում․ Տիգրան Բարսեղյանը՝ գոլային փոխանցման հեղինակ (տեսանյութ)

Սլովակիայի առաջնության 11-րդ տուրում «Սլովանը» հյուրընկալվել էր Տրնավայի «Սպարտակին» ու հաղթեց 2։0 հաշվով։

Հայաստանի ազգային հավաքականի կիսապաշտպան Տիգրան Բարսեղյանն ընդգրկված էր «Սլովանի» մեկնարկային կազմում ու մասնակցեց ամբողջ հանդիպմանը՝ 60-րդ րոպեին դառնալով գոլային փոխանցման հեղինակ, իսկ հիմնական ժամանակին ավելացված 2-րդ րոպեին զգուշացվեց դեղին քարտով։

Այս հաղթանակից հետո 9 խաղ անցկացրած «Սլովանը» 21 միավորով առաջատար է ու հաջորդ տուրում կմրցի «Տատրան Պրեսովի» հետ, բայց մինչ այդ կհանդիպի «ԱԶ Ալկմարին»՝ Կոնֆերենցիաների լիգայի հիմնական փուլի 2-րդ տուրում։