Ինտերը հաղթեց Ջենոային, Մխիթարյանը փոխարինվեց երկրորդ կեսում
Իտալական Ա Սերիայի 26-րդ տուրում Միլանի «Ինտերը» սեփական հարկի տակ ընդունել է «Ջենոային» և 1:0 հաշվով հաղթանակ է տարել մրցակցի նկատմամբ:
Հանդիպման միակ գնդակը 79-րդ րոպեին հեղինակել է տանտերերի արգենտինացի հարձակվող Լաուտարո Մարտինեսը։
«Ինտերի» մեկնարկային կազմում խաղադաշտ է դուրս եկել նաև Հայաստանի ազգային հավաքականի նախկին ավագ Հենրիխ Մխիթարյանը, որը, սակայն, փոխարինվել է 64-րդ րոպեին: Հայ ֆուտբոլիստը մեկ հարված է կատարել դարպասի ուղղությամբ:
Այս հաղթանակի շնորհիվ «Ինտերը» իր միավորների թիվը հասցրել է 57-ի և այժմ գլխավորում է Ա Սերիայի մրցաշարային աղյուսակը՝ մեկ միավոր գերազանցելով «Նապոլիին»:
