Ձյունն ու ցուրտը Նոային չեն խանգարում․ ՀՊԼ-ն կվերսկսվի փետվարի 24-ին
Վաղը՝ փետրվարի 24-ին կվերսկսվի ֆաստեքս Հայաստանի Պրեմիեր լիգան։ 20-րդ տուրի խաղում «Նոան» Շենգավիթի «Ջունիոր սպորտ» մարզադաշտում կհյուրընկալվի «Վեստ Արմենիային»։ Ինչպես հայտնում է «Նոան» սոց․ ցանցերում, թիմի խաղը չի հետաձգվի։
«Ձյունն ու ցուրտը մեզ չեն խանգարում պատրաստվել Fastex Պրեմիեր լիգայի վերսկսմանը
Վաղը, ժամը 16:00-ին, ՀՊԼ 20-րդ տուրում մեր մրցակիցը կլինի «Վեսթ Արմենիան»։
Սպասում ենք քեզ «Ջունիոր Սպորտ» մարզադաշտում՝ քո թիմի կողքին»,-ասված է ակումբի հայտարարությունում։
Հիշեցնենք, որ ՀՊԼ վերսկսումը նախպատեսված էր այսօր՝ փետրվարի 23-ին, սակայն հետաձգվել էր «Շիրակ» - «Արարատ» խաղը, իսկ երեկ հայտնի դարձավ, որ հետաձգվել է նաև «Գանձասար» - «Վան» խաղը։
«Նոան» 16 խաղից հետո 40 միավորով գխավորում է մրցաշարային աղյուսակն ու 2 միավորի առավելություն ունի 18 խաղ անցկացրած «Ուրարտուի» նկատմամբ։
