Արման Կարախանյանն ու Նարեկ Մովսիսյանը՝ Եվրոպայի փոխչեմպիոն

Սերբիայում կայացած ավանդական կարատեի Եվրոպայի 36-րդ առաջնությունում Հայաստանի ներկայացուցիչներ Արման Կարախանյանն ու Նարեկ Մովսիսյանը նվաճեցին Եվրոպայի փոխչեմպիոնի կոչումը։

Արման Կարախանյանը արծաթե մեդալակիր դարձավ Էնբու մրցաձևում, բացի այդ Ջիու Կումիտեում նվաճեց բրոնզե մեդալ։

Նարեկ Մովսեսյանը երկրորդ տեղը գրավեց կոգո մրցաձևում։  

Հիշեցնենք, որ մեծահասակաների պայքարում Էրիկ Հովսեփյանը նվաճել էր Եվրոպայի չեմպիոնի տիտղոսը։  

Հովսեփյանը հավասարը չուներ Ֆուկու-Գո մրցաձևում։ 

Թիմային կատա մրցաձևում Եվրոպայի չեմպիոնի տիտղոսին արժանացել էին Նարեկ Իսկանդարյանը, Հովհաննես Հակոբյանն ու Արթուր Ոսկանյանը։

Ավանդական Կարատեի Հայաստանի հավաքականը Եվրոպայի առաջնությանը մասնակցում էր ֆեդերացիայի նախագահ Սուրեն Մաթևոսյանի գլխավորությամբ։