Ռուբեն Նազարեթյան․ Մեր հավաքականն ունակ է հաղթահարելու Եվրոպայի առաջնության խմբային փուլը
Լիտվական Կաունասում կայացել է ֆուտզալի 2026 թվականի Եվրոպայի առաջնության խմբային փուլի վիճակահանությունը։ Հայաստանի ազգային հավաքականն ընդգրկված է B խմբում։ Մրցակիցներն են Լիտվան, Չեխիան և Ուկրաինան։ Ֆուտզալի
Հայաստանի ազգային հավաքականի գլխավոր մարզիչ Ռուբեն Նազարեթյանը ՀՖՖ-ի հետ զրույցում մեկնաբանել է վիճակահանությունը:
«Եվրոպայի առաջնությունում թույլ թիմեր չկան։ Սա ուժեղագույնների մրցաշար է։ Մենք էլ այդ ուժեղագույնների թվում ենք։ Փորձելու ենք ավելի լավ պատրաստվել, որպեսզի հասնենք մեր նպատակին՝ հաղթահարենք խմբային փուլը։ Մեր հավաքականն ունակ է լուծելու այդ խնդիրը»,- ասել է մարզիչը։
Հիշեցնենք, որ Ֆուտզալի Եվրոպայի առաջնությունը տեղի կունենա հունվարի 21-ից փետրվարի 7-ը՝ Լատվիայում, Լիտվիայում և Սլովենիայում։
