Սպերցյանը ճանաչվել է Կրասնոդար-Ռուբին հանդիպման լավագույն ֆուտբոլիստ

«Կրասնոդարի» կիսապաշտպան և ավագ Էդուարդ Սպերցյանը ճանաչվել է Ռուսաստանի Պրեմիեր լիգայի 13-րդ տուրի՝ Կազանի «Ռուբինի» դեմ խաղի լավագույն խաղացող։

Կրասնոդարում կայացած խաղն ավարտվել է 1-0 հաշվով՝ հօգուտ տանտերերի: Սպերցյանը մասնակցել է ամբողջ խաղին։

«Ցուլերը» 29 միավորով զբաղեցնում են ՌՊԼ-ի մրցաշարային աղյուսակի առաջին հորիզոնականը։ Մուրադ Մուսաևի թիմը հաջորդ փուլում կխաղա Մոսկվայի «Սպարտակի» դեմ։

«Խաղի լավագույն խաղացող» մրցանակը շնորհվում է յուրաքանչյուր առաջնության խաղից հետո. հաղթողներին ընտրում են լիգան և MATCH PREMIER հեռուստաալիքը։