Հայտնի է Վանի գլխավոր մարզչի ժամանակավոր պաշտոնակատարի անունը

Ինչպես տեղեկացնում է «Վան» ֆուտբոլային ակումբը, թիմի գլխավոր մարզչի ժամանակավոր պաշտոնակատար է նշանակվել Արթուր Ասոյանը, որն ընդգրկված էր նախկին գլխավոր մարզիչ Էդգար Թորոսյանի մարզչական շտաբում։

54-ամյա մասնագետը գլխավորել է «Վանը» նաև 2021 թվականի փետրվարին ու զբաղեցրել այդ պաշտոնը ուղիղ 1 տարի։ Նրա պաշտոնավարման 2-րդ շրջանը եղել է 2022 հուլիսից 2023-ի հունվարը։ Նրա գլխավորությամբ չարենցավանյան ակումբն անցկացրել է ընդհանուր 44 հանդիպում՝ 1 խաղում վաստակելով 1,26 միավոր։

Նա «Վանում» աշխատել է նաև Սևադա Արզումանյանի, Հումբերտո Վիվիանիի ու Արմեն Ադամյանի մարզչական շտաբերում։

«Վանից» բացի, Ասոյանը որպես մարզչի օգնական եղել է նաև «Ուլիսի», «Լեռնային Արցախի» ու «Սյունիքի» համակարգերում։

Ավելի վաղ, հայտնել էինք, որ գլխավոր մարզիչ Էդգար Թորոսյանն հեռացել էր ակումբից։