Մարատ Հարությունյանը դարձավ Եվրոպայի չեմպիոն ու այն նվիրեց հայրիկի հիշատակին

Սերբիայում կայացած ավանդական կարատեի Եվրոպայի առաջնությունում Հայաստանի ներկայացուցիչ Մարատ Հարությունյանը նվաճեց Եվրոպայի չեմպիոնի տիտղոսը։

Հարությունյանը հաղթանակը նվիրել է իր հայրիկի հիշատակին։

Հիշեցնենք, որ մեծահասակաների պայքարում Եվրոպայի չեմպիոն էր հռչակվել Էրիկ Հովսեփյանը՝ Ֆուկու-Գո մրցաձևում։ 

Թիմային կատա մրցաձևում Եվրոպայի չեմպիոնի տիտղոսին արժանացել էին Նարեկ Իսկանդարյանը, Հովհաննես Հակոբյանն ու Արթուր Ոսկանյանը։

Հայաստանի հավաքականը տարբեր տարիքայինների պայքարում նվաճել է 30 մեդալ ու թիմային հաշվարկում գրավել 3-րդ տեղը։

Ավանդական Կարատեի Հայաստանի հավաքականը Եվրոպայի առաջնությանը մասնակցում էր ֆեդերացիայի նախագահ Սուրեն Մաթևոսյանի գլխավորությամբ։