Դմիտրի Գունկոյի որդին պայմանագիր կնքեց Ուրարտուի հետ
«Ուրարտուն» պայմանագիր է կնքել թիմի գլխավոր մարզիչ Դմիտրի Գունկոյի որդու՝ Արտեմի Գունկոյի հետ։
«Ուրախ ենք տեղեկացնել, որ «Ուրարտուն» ունի նոր ֆուտբոլիստ։ Ակումբը պայմանագիր է ստորագրել կիսապաշտպան Արտեմի Գունկոյի հետ։
20-ամյա ֆուտբոլիստը համարվում է Մոսկվայի «Սպարտակի» սան և կարիերան անցկացրել է այդ ակումբի համակարգում, որից հետո միացել «Կոսմոս Դոլգոպրուդնի» թիմին։
Ողջունում ենք Արտեմիին «Ուրարտուում» և մաղթում
հաջողություններ ակումբի կազմում»,-ասված է հայտարարությունում։
Ֆաստեքս Հայաստանի Պրեմիեր լիգայի ընթացիկ առաջնությունում «Ուրարտուն» 18 խաղից հետո 38 միավորով երկրորդն է ու 2 միավոր է զիջում երկու խաղ պակաս անցկացրած առաջատար «Նոային»։
