Եվրոպայի առաջնության որակավորման 1-ին փուլ. Հայաստանի Մ17 հավաքականն այսօր կմրցի Ֆինլանդիայի հետ

Հայաստանի ֆուտբոլի մինչև 17 տարեկանների հավաքականն այսօր երկրորդ հանդիպումը կանցկացնի Եվրոպայի առաջնության որակավորման առաջին փուլում` մրցելով Ֆինլանդիայի իր հասակակիցների հետ:

Կիպրոսում կայանալիք խաղը կմեկնարկի Երևանի ժամանակով 13:00-ին:

Ալեքսանդր Պետրոսյանի գլխավորած թիմն առաջին խաղում 1-2 հաշվով զիջել էր Հյուսիսային Իռլանդիայի հասակակիցներին։ Մեր թիմից միակ գոլը խփել էր Արմեն Ղազարյանը։

Վերջին հանդիպումը նախատեսված է նոյեմբերի 3-ին՝ Կիպրոսի Մ-17 տարեկանների հավաքականի հետ: