Արարատ-Արմենիան հաղթեց Նոային

Fastex Պրեմիեր լիգայի 12-րդ տուրի մեկնարկային խաղում «Նոան» Աբովյանի Վահագն Թումասյանի անվան մարզահամալիրում ընդունել էր «Արարատ-Արմենիային» ու զիջեց 1։2 հաշվով՝ կրելով առաջնությունում մրցաշրջանի 2-րդ պարտությունը։

Հանդիպման հաշիվը 22-րդ րոպեին բացեց Ժիրայր Շաղոյանը։ 2-րդ կեսի մեկնարկից 3 րոպե անց Հելդեր Ֆերեյրան վերականգնեց հաշվի հավասարությունը, իսկ 87-րդ րոպեին փոխարինման մտած Արմեն Համբարձումյանը հաղթանակ պարգևեց «Արարատ-Արմենիային»։

Այսպիսով, շուրջ 2 տարվա դադարից հետո «Արարատ-Արմենիան» հաղթանակով ավարտեց «Նոայի» դեմ հանդիպումը։ Ի դեպ, Մանուել Տուլիպայի գլխավորած թիմը շարունակում է անպարտելի մնալ Հայաստանի ընթացիկ առաջնությունում՝ 11 հանդիպում, 8 հաղթանակ ու 3 ոչ-ոքի։

Այս խաղից հետո Fastex Պրեմիեր լիգայի մրցաշարային աղյուսակը ստացավ հետևյալ տեսքը․



Հիշեցնենք, որ այս թիմերի միջև 1-ին շրջանի հանդիպումն ավարտվել էր ոչ-ոքի՝ 2։2 հաշվով։

Fastex Պրեմիեր լիգայի 12-րդ տուրում կկայանան նաև ԲԿՄԱ-«Փյունիկ», «Շիրակ»-«Վան», «Գանձասար»-«Ալաշկերտ» և «Արարատ»-«Ուրարտու» հանդիպումները։